I shpejtë në dorë
Hyrje me PIN ose kartelë, porosi me një prekje dhe shkurtesa të tastierës. Kamarieri humb sekonda, jo minuta.
E reNdërtuar në Kosovë, për lokalet e Kosovës
Lokali juaj,
më i shpejtë.
Eclipse POS është sistemi i shitjes për bare, kafene, lounge, restorante dhe markete. Tavolinat, shanku dhe kuzhina, barazimi, raportet dhe kontabiliteti, të gjitha në një vend dhe në shqip.
- Punon edhe pa internet
- PIN ose kartelë RFID
- Printerë termikë 58 / 80 mm
- Fiskalizim ATK në certifikim
Porosia te shankuT7 · 2 Aperol Spritz
Barazimi i Blerimit220,40 € · 14 porosi
Pa internet?Kasa vazhdon
Hyrja
Kamarieri hyn me PIN ose kartelë RFID.
Tavolina
Zgjedh tavolinën në ekran ose në hartë.
Porosia
Prek produktet; totali llogaritet vetë.
Shank & kuzhinë
Fletët dalin menjëherë te printerët.
Pagesa
Cash ose kartelë; fatura printohet.
Barazimi
Raporti i turnit dhe i ditës, i gatshëm.
Pse Eclipse POS
Ndërtuar për mënyrën si punohet këtu
Jo një program i huaj i përkthyer, por një sistem që e kupton shankun, kuzhinën, kamarierin, barazimin dhe TVSH-në e Kosovës.
Ju mbani kontrollin
Çdo anulim dhe fshirje kërkon lejen e administratorit dhe regjistrohet. Nuk ka porosi që zhduken pa gjurmë.
Nuk ndalet kur bie interneti
Me instalimin lokal, lokali vazhdon të punojë plotësisht edhe pa internet: porosi, pagesa, printim, raporte.
Si funksionon
Shiko Eclipse POS në punë
Këto janë ekranet reale të sistemit, me të dhëna demo.
Çdo tavolinë shihet në ekran me totalin dhe kamarierin që e shërben. Ambientet, si Brenda dhe Terasa, i ndani vetë.
Kategoritë dhe produktet në një ekran, me madhësi që përshtatet vetë sa kategori të keni. Koment për çdo artikull, fshirje e shpejtë para dërgimit dhe shkurtesa F7–F10.
Çdo faturë mbetet në sistem. Shikoni si ka dalë në printer dhe rishtypeni kur t'ju duhet, me shënimin KOPJE.
Fundi i turnit pa llogari në letër: sa ka shitur çdo kamarier, sa para në dorë dhe sa me kartelë, me një prekje për printim.
Dita, java, muaji, viti. Shitjet sipas ditës dhe orës, kategorive, produkteve më të shitura, kamarierëve dhe mënyrës së pagesës.
Tërhiqni tavolinat dhe vendosini sipas planit real; harta që shohin kamarierët është saktësisht ajo që keni vizatuar ju.
Veçoritë
Gjithçka që i duhet një lokali
Nga porosia e parë e ditës deri te libri i TVSH-së në fund të muajit.
Hyrje me PIN ose RFID
Çdo kamarier hyn në 2 sekonda. Çdo porosi dhe pagesë mbetet e regjistruar në emrin e tij.
Tavolinat dhe harta
Tavolinat me total dhe kamarier, ambiente të renditura nga ju, dhe hartë si lokali juaj.
Shank dhe kuzhinë
Pijet dalin te shanku, ushqimi te kuzhina, bashkë me komentin e mysafirit: „pa akull“, „pa qepë“.
Fshirje e sigurt
Artikulli i dërguar fshihet vetëm kur administratori afron kartelën RFID. Shtypet fleta „ANULO“ te shanku.
Barazimi i kamarierëve
Sa ka shitur secili, sa para në dorë, sa me kartelë. Printohet me një prekje.
Raporte të plota
Dita, java, muaji, viti: sipas orës, kategorisë, produktit dhe kamarierit.
Fatura dhe rishtypje
Çdo faturë ruhet. Shikoni paraparjen dhe rishtypeni si KOPJE kur t'ju duhet.
Stoku dhe hyrjet e mallit
Skano barkodin, shto sasinë dhe koston. Stoku zbritet vetë, me alarm kur mbaron.
Furnitorët dhe shpenzimet
Fatura e furnitorit, qiraja, rryma, pagat: të gjitha me TVSH-në dhe dokumentin.
Kontabilitet dhe TVSH
Libri i shitjeve dhe i blerjeve sipas normës së TVSH-së, gati për kontabilistin.
Shumë pika dhe pajisje
Disa lokale, disa kompjuterë. Çdo kompjuter aktivizohet me kod dhe mund të çaktivizohet.
Aplikacion për Windows
Niset vetë me kompjuterin, printon në heshtje, pa dritare dialogu, dhe përditësohet me një klik.
Për pronarin dhe menaxherin
Paneli që punon si program, jo si faqe interneti
Lista e artikujve, stoku, furnitorët dhe shpenzimet janë tabela kompakte si në Excel: kërkim, filtër për çdo kolonë, renditje, shkurtesa dhe eksport. Edhe me 1000 artikuj, gjithçka mbetet e shpejtë dhe e qartë.
- Kërko dhe filtro sipas emrit, barkodit, kategorisë ose çmimit (>5, <=0).
- Stoku me vlerë: sasia, kostoja, marzha dhe alarmi kur mallit i vjen fundi.
- Hyrje malli me barkod: skano, shkruaj sasinë dhe koston, stoku shtohet vetë.
- Eksport në Excel dhe printim nga çdo listë.
Kontabiliteti
Kontabilistit i japim librat, jo çelësin e lokalit
Në vend që kontabilisti të lidhet me kompjuterin e lokalit, ai hyn me llogarinë e vet dhe sheh vetëm çka i duhet, vetëm për lexim.
- Libri i shitjeve me bazën dhe TVSH-në sipas normës: 18%, 8%, 0% dhe e liruar.
- Libri i blerjeve dhe shpenzimeve me furnitorin, NUI-në dhe TVSH-në e zbritshme.
- Përmbledhja e TVSH-së për deklaratën, dhe shitjet ditore me cash dhe kartelë.
- Lista e punëtorëve me pagën bruto, datat dhe llogarinë bankare.
- Excel dhe PDF me një klik, për çdo muaj.
Shitje me pakicë
Edhe për markete dhe dyqane
Një kasë e dedikuar për shitje të shpejta: skano barkodin dhe artikulli hyn në tabelën si në Excel, me totalin e madh në të djathtë.
- Skanim barkodi ose kërkim me emër, me sugjerime menjëherë.
- Shkurtesa: F2 skano, F4 sasia, Del fshi rreshtin, F8 cash, F9 kartelë.
- Kusuri llogaritet vetë kur paguhet me cash.
- Stoku zbritet vetë dhe shitja bllokohet kur artikulli mbaron.
Cloud ose lokal
Ju zgjidhni ku ruhen të dhënat
I njëjti sistem, dy mënyra instalimi. Zgjidhni sipas internetit që keni dhe sipas qetësisë që doni.
Fillo sot, pa server
Të dhënat ruhen në serverin tonë. Hyni nga çdo pajisje dhe nuk keni asgjë për të instaluar përveç aplikacionit.
- Fillim i menjëhershëm: menuja, tavolinat dhe punëtorët brenda ditës.
- Paneli i pronarit nga telefoni ose çdo shfletues, kudo që jeni.
- Përditësime automatike pa ndërhyrje në lokal.
- Ideale për lokale me internet të qëndrueshëm.
Lokal: databaza te ju
Serveri dhe databaza instalohen në kompjuterin e lokalit. Të dhënat mbeten në lokalin tuaj.
- Punon plotësisht pa internet: hyrja, porositë, pagesat, printimi, paneli dhe raportet.
- Disa kompjuterë në rrjetin e lokalit, që shohin tavolinat e njëri-tjetrit.
- Backup automatik çdo ditë në vetë kompjuterin e lokalit.
- Licenca kontrollohet kur ka internet dhe toleron deri në 3 ditë pa lidhje.
Të dyja versionet kanë të njëjtat funksione. Zgjedhja ndryshon vetëm ku ruhen të dhënat.
Siguria dhe kontrolli
Nuk ka porosi që zhduken pa gjurmë
Sistemi është i ndërtuar që pronari të dijë gjithmonë çfarë ka ndodhur në lokal dhe kush e ka bërë.
Kartela e administratorit
Fshirja e një artikulli të dërguar kërkon kartelën RFID të administratorit ose menaxherit. Kamarieri nuk mund ta bëjë vetë.
Çdo veprim regjistrohet
Anulimet, fshirjet, kthimet dhe ndryshimet e pagesës ruhen: kush i kërkoi, kush i miratoi, kur.
Kontabilisti vetëm lexon
Roli „Kontabilist“ sheh librat dhe i eksporton, por nuk ndryshon asgjë dhe nuk hyn në kasë.
PIN-et e koduara
PIN-et nuk ruhen kurrë si tekst i lexueshëm. Hyrja ka mbrojtje kundër provave të shumta.
Kompjuterë të autorizuar
Çdo kompjuter aktivizohet me kod dhe mund të çaktivizohet në çast. Një kompjuter i ri shtohet vetëm me autorizim.
Abonimi dhe qasja
Nëse abonimi përfundon ose ndalet, kasa ndalet; të dhënat ruhen dhe hapet sapo ta vazhdoni.
Fiskalizimi ATK
Ndërtuar sipas specifikimit të ATK-së
Jemi në fazën e fundit të certifikimit. Ja ku jemi sot.
Integrimi me ATK
Kupon shitjeje, anulim, kthim dhe punë offline, me nënshkrim digjital dhe QR.
Testimi te ATK
Kuponët e testimit u pranuan me sukses nga sistemi i ATK-së.
Aplikimi për certifikim
Aplikimi me dokumentacionin e plotë është dorëzuar te ATK.
4
Certifikimi nga ATK
Në pritje të vlerësimit nga komisioni i ATK-së.
E rëndësishme: fiskalizimi aktivizohet për çdo biznes vetëm pasi Eclipse POS të marrë certifikimin e ATK-së. Deri atëherë çdo dokument shënohet „KUPON JO FISKAL“. Kur certifikimi të përfundojë, do t'ju njoftojmë dhe e aktivizojmë për biznesin tuaj.
Çmimet
Një paketë e thjeshtë, pa surpriza
Fillo me dy javë falas. Pastaj paketa vjetore, me çmim sipas lokalit tuaj.
Provë 2 javë
Falas
Provoni Eclipse POS në lokalin tuaj, pa pagesë dhe pa detyrim.
- Të gjitha funksionet
- Cloud ose lokal
- Ndihmë për nisjen
Vjetore
Sipas ofertës
Një pagesë në vit. Çmimi varet nga numri i pikave dhe i kompjuterëve.
- Të gjitha modulet dhe përditësimet
- Kontabiliteti dhe roli i kontabilistit
- Kalimi i produkteve nga POS-i i vjetër
- Fiskalizimi, sapo certifikohet softueri
Demo në lokal
Falas
Ju tregojmë sistemin me menunë dhe tavolinat tuaja, dhe i përgjigjemi çdo pyetjeje.
- Me menunë tuaj reale
- Ju shpjegojmë çdo funksion
- Pa detyrim për të blerë
Pyetje të shpeshta
Çka pyesin zakonisht pronarët
A punon Eclipse POS pa internet?
Me instalimin lokal po: serveri dhe databaza janë në kompjuterin e lokalit, prandaj hyrja e punëtorëve, tavolinat, porositë, pagesat, printimi, paneli i menaxherit dhe raportet punojnë plotësisht edhe kur bie interneti. Licenca kontrollohet kur ka lidhje dhe toleron deri në 3 ditë pa internet. Me versionin cloud, porositë e reja ruhen përkohësisht në kompjuter dhe dërgohen kur kthehet lidhja; për punë pa ndërprerje rekomandojmë instalimin lokal.
Çfarë printerësh mbështet?
Printerë termikë 58 mm dhe 80 mm të instaluar në Windows. Shanku, kuzhina dhe fatura mund të kenë secili printerin e vet, dhe aplikacioni printon në heshtje, pa dritare dialogu. Kur një artikull anulohet, te shanku ose kuzhina printohet fleta "ANULO".
Çfarë pajisjesh më duhen?
Një kompjuter Windows (ose ekran me prekje) dhe një printer termik. Opsionalisht një lexues kartelash RFID për hyrjen e punëtorëve dhe fshirjen e artikujve, dhe një lexues barkodi për shitjet me pakicë. Nuk kërkohet pajisje e veçantë.
Sa kompjuterë dhe pika mund të kem?
Mund të keni disa pika dhe disa kompjuterë. Çdo kompjuter aktivizohet me kod nga ne, dhe një kompjuter i ri shtohet vetëm me autorizim, që askush të mos mund ta kopjojë sistemin pa dijeninë tuaj.
Mund t'i kaloj produktet nga POS-i që përdor tani?
Po. Kemi kaluar tashmë të dhëna nga programe të tjera POS. Na dërgoni listën e produkteve dhe kategorive, ose databazën e programit të vjetër, dhe ju ndihmojmë t'i kaloni në Eclipse POS.
Si qëndron puna me fiskalizimin e ATK-së?
Fiskalizimi është ndërtuar sipas specifikimit të ATK-së: kupon shitjeje, anulim, kthim dhe punë offline. Testimi te ATK është përfunduar me sukses dhe aplikimi për certifikim është dorëzuar. Fiskalizimi aktivizohet për çdo biznes vetëm pasi Eclipse POS të certifikohet nga ATK. Deri atëherë dokumentet shënohen "KUPON JO FISKAL".
Çfarë i duhet kontabilistit tim?
Ju i hapni një llogari "Kontabilist" me username dhe fjalëkalim. Ai sheh vetëm Kontabilitetin: librin e shitjeve dhe të blerjeve me TVSH sipas normës, shpenzimet, stokun dhe listën e punëtorëve me pagat. Mund t'i eksportojë në Excel, por nuk mund të ndryshojë asgjë dhe nuk ka qasje në kasë.
Çfarë ndodh nëse e ndal abonimin?
Kasa ndalet, por të dhënat tuaja nuk fshihen. Sapo abonimi vazhdon, kasa hapet përsëri me gjithçka siç e keni lënë.
A mund ta provoj para se të vendos?
Po. Ofrojmë provë 2 javë falas, dhe një demo ku ju tregojmë sistemin me menunë tuaj. Shkruani na në WhatsApp ose plotësoni formularin më poshtë.
Kërko demo
Ta provojmë në lokalin tuaj?
Na tregoni pak për biznesin tuaj dhe ju kontaktojmë. Demoja është falas dhe pa detyrim.